الزحام

الزحام

شوف الجاموس لما يشرب من شطوط النيل

الواحدة جنب أختها واقفين في صف جميل

شوف الغنم لما تطلع للمراعي رعيل

لا الكبش يطغى ولا ينطح بقرنه فصيل

شوف الطيور لما بتروح في كل أصيل

أسراب منتظمة راجعه الحمى بدليل

وانظر وشوف البني آدم ، بتوع دى الجيل

كل الأمور عندهم بالزغد والتشغيل

قالوا اللي مايكونش غي الأول دا يبقى عويل

ومن كده بالقليل في كل زحمة قتيل

والله البهايم ولا ولاد قابيل وهابيل

بيرم التونسي